شعر الربيع طارح

الربيع ف الحب طارح
والورود زاينه المطارح
والامانى
والاغانى
والتهانى
والامال
والسنين بالحلم تفرح
والسلام ع الارض مال
والتراب يصبح شقاوه
من هزار حبة جبال
والعبير
يسرح بكيفه
والنسيم
يمشى بدلال
والليالى تيجى جمعا
فرحانين زى العيال
والشعاع يحضن شموسنا
فوق كتافها كأنه شال
والحرام ياخد له ساتر
تحت رجلين الحلال
والخضار كحل وادينا
والصفار حاضن تلال
والشعور نازز حلاوه
والوجود معجون جمال
يبقى بالتأكيد هشوفك
مش مجرد احتمال
……………………………
عمده