شعر فولى

الاسم : إنسان      الأب : عربي
أمي : العروبة     الجد : صلاح الدين آخر الجدود الجلادة
الشهر: أكتوبر     العام : ٧٣         اليوم : يوم الغفران
يوم ميلادي بالعربي العاشر من رمضان
ومن يوميها وقف التاريخ حيران
ما لبسوه جاكت وقلعوه طربوشه والجبه والقفطان
التاريخ مش راضي بتاريخي وحملني بالأحزان
أملي يطلعلي مستخرج شهادة ميلاد إنسان
قالولي هات يضمنك واحد من الأعيان
قلت ياعين كفايه قول وعياده مالنوم كبس
حبس النفس وخنق الجرس
ما نمنا علي السجادة .. نام ياولد نامي يابلد
نام يا وطن .. النوم علينا أتفرض بزيادة
بقالنا كام سنه ساكتين
بقالنا كام سنه نايمين
بقالنا كام سنه صايمين
وفي بحر وهمنا كام سنه عايمين
نفوق ونشرب فنجانين ساده
ياريت بنومنا نوصل نلاقي البر
ياريت بنومنا نعبر بحور الشر
ياريت بنومنا نغير حروف الجر
إياك نسينا إن العروبة ولادة
غيرنا أصل الكلام أصبح مالوش معني
ولما كتر إكلال للماضي رجعنا
لقينا لولا الدراع ما كان وطن ساعنا
إياك نسينا تاريخ الساسة والسادة
قبضنا كام ومين اللي اشتري سكوتنا
الصورة مهزوزه وهنضيع بالسكوت صوتنا
لا مالنا ولاجاهنا هايقفوا في طريق موتنا
طول عمرهم خونه والبذرة مداده
فين صلاح وفين صلاح العروبة
فتحت القاموس لقتها كلمه مشطوبة
وفتحت الكتاب لقيت الخطاوي محسوبة
أنام مع النايمين ولا أدور علي طوبه
أشعار فولى عبد الغفار